✅ Юртимизда болалар онкологияси ва гематологияси соҳасида янги даволаш усуллари ва технологиялар муваффақиятли амалга оширилмоқда. Ўзбекистонда илк бор болаларда аллоген суяк илиги трансплантацияси йўлга қўйилди, бу эса ўз навбатида халқаро миқёсда юқори технологик тиббий хизматлар тақдим этилаётганлигини кўрсатади.

🩺 2023-2024 йилларда марказда жами 16 беморга суяк илиги трансплантацияси ўтказилди. Шундан 13 таси аутологус ва 3 таси аллоген трансплантация бўлди, бу болалар тиббиётида янги даврнинг бошланиши сифатида тарихда қолади.

🩸 Шу билан бирга, марказда онкология бўлими ходимлари илмий изланишлар олиб бормоқда, жумладан:

• Остеосаркома микро-муҳитидаги молекуляр-генетик ва иммунологик кўрсаткичларни ўрганиш (Мустақил изланувчи – К.Искандаров)

• Медуллобластоманинг турли гистологик шаклларини даволашда молекуляр-генетик тадқиқотларга асосланган ёндашув (Таянч доктарантура – Б.Сайитов)

• Нефробластоманинг клиник ва морфологик жиҳатлари (Мустақил изланувчи – С.Исломов)

🔬 Илмий тадқиқотлар ва грантлар:

ДКМС (Германия) ва Опен Медиcал Институте (Австрия) билан ҳамкорликда суяк илиги трансплантацияси бўйича илмий изланишлар давом эттирилмоқда.

2024 йилда марказда 9 мақола ва 3 тезис халқаро илмий журналларда чоп этилди, 2 та конференцияда эса деворий маърузалар қилинди.

💡 Бундан ташқари, бўлим ходимлари суяк илиги трансплантацияси соҳасида халқаро малака ошириш курсларини муваффақиятли тамомлаб қайтдилар, жумладан Германия ва Австрияда ўтказилган малака ошириш дастурларида қатнашганлар.

📍 Яна бир ютуқ, "Эзгу амал" фонди томонидан бўлимга катта миқдорда тиббий жиҳозлар ва дори воситалари тақдим этилди, шу жумладан, суяк илиги трансплантацияси блокининг замонавий жиҳозлар билан таъминланиши бўлим фаолиятининг янги босқичга чиқишини англатади.

🔎 Болалар тиббиётида янги ютуқлар ва инновацион технологиялар юртимизда хизмат кўрсатишни янада юқори даражага кўтармоқда. Бу жараёнларнинг давом эттирилиши ва соҳадаги янги изланишлар — шубҳасиз, соғлиқни сақлаш соҳасидаги муваффақиятли ривожланишнинг асосидир.